တကယ်တော့ သား က ကဗျာ သမားတစ်ယောက်မဟုတ်ပါဘူး.. ဒါပေမဲ့ သစ်ရွက်လှုပ်တာမြင်တိုင်း ရင်ခုန်တတ်တဲ့ အရွယ်မှာ သား ကဗျာ တွေစရေးတတ်ပါပြီ အဲ့ဒါ ပထမဆုံး အကြိမ်ပေါ့၊ အခုမိဘရဲ့ မေတ္တာတရားကို နားလည်တဲ့ အချိန်မှာ ဒုတိယမြောက် ကဗျာ ရေးဖြစ်တာပါ....
တောင်တန်းတွေ ကာရံပြီး ချမ်းအေးလှတဲ့ မိုးကုတ်မြို့ကို လွမ်းသလို မေတ္တာတရားတွေ
ကာရံပြီး နွေးထွေးလှတဲ့ မိဘရင်ခွင်ကို လွမ်းတယ်...
ကြိုတင်မခန့်မှန်းနိုင်သော အနာဂါတ်ကို တွက်ကိန်းချပြီး စိတ်ကူးယဉ်နေသလို သားချစ်တဲ့ ညီမလေးတွေရဲ့ အနာဂါတ်ကို စိတ်ကူးပုံဖော်နေမိတယ်......
မန်နေဂျာက သူ့ဝန်ထမ်းတစ်ယောက်ကို ဆူတာအော်တာကို တွေ့ရင် တစ်ချိန်က ဂရုဏာဒေါသနဲ့ ဆူခဲ့အော်ခဲ့တဲ့ ဖေဖေ့ ကိုလည်းမြင်ယောင်မိတယ် ဖေဖေရယ်....
ကြိုတင်မသိနိုင်တဲ့ သားရဲ့ အနာဂါတ်အတွက် ဖေဖေနဲ့မေမေ ရင်မောနေမှာပဲနော်......
သားကို သူများတွေနဲ့တန်းတူ တက္ကသိုလ် ထားပေးနိုင်ခဲ့ပေမဲ့ ပထမနှစ်ကို နှစ်ခါကျအောင်ဖြေခဲ့တဲ့ သားမိုက်ကို အပြုံးမပျက်အားပေးနှစ်သိမ့်ခဲ့တဲ့ စကားသံတွေကို အခုချိန်မှာပြန်လည်ကြားယောင်မိရင် သားတဆစ်ဆစ် နဲ့ နာကျင်ခံစားရပါတယ်.....
သားရဲ့ အကြီးမားဆုံး ရည်ရွယ်ချက် နှစ်ခုရှိတယ်သိလား..
ပထမတစ်ခုက မိဘကျေဇူးဆပ်နိုင်တဲ့ သားလိမ္မာလေး တစ်ယောက်ဖြစ်ချင်တယ်..
ဒုတိယတစ်ခုက ဘွဲ့တစ်ခုရအောင်ယူမယ် ...
ဒီလောက်ပါပဲ ဘာမှကြီးကြီးမားမား မျှော်လင့်ထားတာမရှိပါဘူး..
0 comments:
Post a Comment